توسط جَمــبوگ کہ باز بہ بنت چُکّ ءِ سر ترّ ایت.
هَـورے که پَہ نودی شَل ایت
هـر روچ مئے مهمان نَہ بیت
لوگ ءَ مُهـر کن همساهِگ ءَ دُزّ مَـکن
شپ اَگاں سیاه ءُ تهار اِنت نَیْـکِہ پَہ مات ءُ گُـهار اِنت
روچ پَہ لَنکُک چْیر نَہ بیت.
پِـشّی مُـرتگ کہ مُشک ناچ ءَ اِنت
روباه پَہ دَپ شِـیر نہ بیت.
آ زَهـم کہ پُر جوهـر اَنت
دست نامرداں پُر گُوهـر اَنت.
تَپـــر وتی دستـگ ءَ نہ بُرّ ایت
هُــــدا وَهدے بِہ دات جُست نَہ کنت.
کار کن پَہ گُـلام ئِے بِہ وَر پَہ واجهی.
توشَگ پہ لاپ زیرَگ نہ بیت.
داں دست مَہ دُزّ ایت دل ءِ نَہ لَرز ایت
برات اَگاں لیـــگار ءُ پَچار مات اِنت، مِهرئِےچَہ کُلّیں آلَـم ءَ زیات اِنت.
مار هر جاه ءَ چوٹ اِنت بلے وتی هوڈ ءَ تِچْک بیت.
لونڈیں سر ءَ کُلاه نَہ براه ایت.
جَنگانی( تیرانی) توار چَہ دیر وشّ اِنت.
دِگر ءِ دست ءَ تَپر ءِ توار سَکّ وَش اِنت
روگن ءِ بازی ءَ کَس هَـر ءِ لاپ ءَ چَـرپ نَہ کنت
دیوان پہ مرداں وشّ اِنت ءُ بار پہ لیڑهاں.
جاهے کہ گَر اِنت راه پہ گْـــور اِنت
دپ ءِ کِساس ءَ دَپار ءَ دَپ ءَ کن
سٌوریں آپ ماهیگ ءَ سَگِتگ ءُ هُشکی آهوگ ءَ.
تولگ ءَ بـےاُلاسَگ ءَ نَہ بیت.
اَگاں نان ءِ دَیَگ سَکّ اِنت بلے سَـلاه ءِ جَنَگ هَکّ اِنت.
نظرات