بلوچی سیاهگ ءِ راست نبیسّگ – ” ءَ “

اِے جهل ءَ لهتے نبیسّگ ءِ رهبند اَنت کہ چہ اِیشاں دْرست دَور دَیگ ءُ “ءَ” ءِ گال منّگ بیت:

کتابَ بیار: زبر ءَ اگاں مہ جن ئَے رد وانگ بیت ءُ زبر ءَ کس نہ جنت. *گڑا اِے گال رد اِنت*❌

کتاب ءَ بیار: کتاب ءِ گال وتی جاگہ ءَ برابر اِنت ءُ “ءَ” ءِ جند دگہ گالے کہ وت جتا بزانتے دار اِیت ءُ وانگ ءَ هم آسان تر بیت.

پمیشکا ما نبیسّ اِیں:

کتاب ءَ بیار
لوگ ءَ برو
راه ءَ بہ چار
سَید ءَ گْوشت
دیم ءَ کِنز
دست ءَ شَهار

ایشی ءِ تہ ءَ مزنیں دلگوش اِیش لوٹ اِیت کہ هجبر “ءَ” گوں پیسری گال ءَ یکجا کنگ مہ بیت بلکیں هر وهد جِتا نبیسّگ بہ بیت. چُش:👇🏻

سیدءَ گْوشت❌
سید ءَ گْوشت✅

کتابءَ بیار❌
کتاب ءَ بیار✅

لوگءَ برو❌
لوگ ءَ برو✅.

بلہ اِے سئیں گال (ترا، مارا، شمارا) چہ برز ءِ رهبند ءَ در اَنت.
اِے همے رنگ ءَ کہ گْوشگ بیت نبیسّگ بنت.
اِے گالانی ” تر ءَ ، مار ءَ ، شمار ءَ” نبیسّگ رد اِنت.

ایشانی درور:👇🏻

مارا ✅
مار ءَ❌

شمارا ✅
شمار ءَ❌

ترا ✅
تر ءَ ❌