توسط نه شرق وش اِنت نه غرب وش اِنت نه لندن انگلستان وش اِنت
وطن وشیں بلوچستان ءِ خلیج فارسءُ هرمزگاں
کنوں وزبت تئی نامءَ وطن وشیں بلوچستان
ھمیشہ تو ببے خوشحال وطن شھدیں بلوچستان
تئی صحرا، تئی دشتاں تئی ملیاں رِدءُ بندیں
تئی کوھاں کلات برزیں تئی دریا زراں لونجیں
نے بندن بریسءُ چابهارانت صدف لولوءُ مرجان
مئی سااِنت بلوچستان خلیج فارسءُ هرمزگان
رودبار جاسک میناب اِنت گوں کلات گیریں یلیں بیلاں
دهانءُ نیلگءُ لاشار کلات پروشیں یلیں شیران
کشیگءُ هیچانءُ کصرکند گو یلیں بیلاں بلند شانیں
مئی نام اِنت مئی ننگ انت پُلنگ و برزیں حصارانءِ
هُداری باپتان ساربُگ شگمی راج میار جلیں
مئی درداں شریدارانت کهیر، فنوجءُ دلگانءِ
باهو دشتءُ گیابانی مئی راج انت امیدانءِ
مئی منزل منی جان انت منی زورانت غریبانءِ
پیشن راسکءُ سربازی پشامگ هونگءُ و مورتانءِ
وفادارانت وتی ڈیھءِ یلیں بچّ انت شهیدانءِ
کزوری دشتءُ آشاری چگردءُ جالک سراوانءِ
میارجلّ انت بلوچ شیریں بهادر خاش زاهدانءِ
پهره ڈامنءُ زردکوه و نسکند ابتری میراں
شرپدارانت کن انت مجلس همیشہ گپءُ دیوانءِ
بمءُ بمپور، نرمانشیر کهنوج مرد بزمانءِ
دِراهوگءُ جبالبارزئی مئی شانت بلوچانءِ
خراسات زابلءُ کرمان سپاهاں یزد شیرازی
فدا ملّت پہ تئی نام انت لُرءُ کُردءُ تهرانءِ
جنوبءَ شرق غریباں شمال ملک انت امینانءِ
کرارءُ عهدءُ پیمانے زبان اِش یک انت ایرانءِ
خرم شهر آبادان اهواز مجاهد مرزنشینانءِ
نهنگءُ برمزار شیرانت وتی لجّءُ میارانءِ
بلوچ فارسءُ عرب کُرداں خراسان بندری ترکاں
نہ چاراَنت گوڈلیں تیران گِرانت حقءَ یتیمانءِ
بگوش گالاں وتی دینار تو بکن وز بت بلوچانءِ
بکن وعده گوں وتی بیلاں بدے توپنت سلطانءِ
منبع:
گاریں داستان – عبدالقادر دینارزهی
نظرات