توسط دریگتیں گوں تو گپءُ تران مہ کتیں
بے بھائیں دلوں زیاں مہ کتیں
اگاں بیزار ات ئے چہ من ءَ چہ بلے
اے ھبر تو گوں دژمنانں مہ کتیں
منی بستار چی انت بلے چوت
درستیں مھلوک بد گماں مہ کتیں
بد وپائی پد ءَ شگان پہ سر ءَ
آزگیں دل چو انگراں مہ کتیں
رد من ھانل نہ وارتگ ات تو اگاں
ندر ءُ کولیگ ءُ جی ءُ جان مہ کتیں
بند هجبر نہ بوتگ ات اے زبان
کسے ءَ گوں تو همزباں مہ کتیں
زوت پہ منزلے رستینگ ات انت
بے دلی گونمن ھمرھاں مہ کتیں
دوشیگیں تران ءُ مرچیگیں زھری
شرتر ات گوں تو سھل ءُ تران مہ کتیں
کتاب انگر ءُ ترونگل سید زهور شاه هاشمی
نظرات