توسط گال بنگشءُبنگیج جھاندار ءُ جھانءِِ
بے گالءَجھان هچی ءُبے نام جھاندار
گال نام منی،نام تئی،نام ھداءِِ
بے گالءَمنءُتوءُهداوند مجاں گار
گال بنگِش اِنت هر چیزےءِگال آسَر اِنت درستءِ
گال میانجیءِتوجیل اِنت ءُ سرکاریءِ کردار
بے گالءَ نہ بیت گپت، نہ بیت گپت نہ بیت کرد
گال انت کہ گپتار بنت ، گپتار بنت کردار
گال پاکیں کتاب انتءُ هداوندءِ گلیں تران
گال انت کہ بزانت اش برے پَهنام برے آشکار
گال انگرءُ گال ترونگل ءُ گال برتکگیں بیر انت
گال تراپکُنیں ترمپ، سِچکانیں سسا ، گلءُ گلکار
سد بژن کہ سلگاریاں گال کرتگ انت پولنگ
گنجے کہ گهیں گال پلک ششتگ ءُ پلگار
سید زهور شاه هاشمی
نظرات