توسط جی منی ماتءُ جی منی ماتیں گلزمین
گریوگءِ ترسءَ مجلسءُ دیوانی نیاں
ارسءِ بستارءَ سرپداں، ارمانی نیاں
جی منی اُوستءُ ملپدءُ فکرے سرزمیں
من غمیگاں که بے غمیں بچے بیتگاں
په تئی پدریچاں مادنیں راهے درنه گیتک
شپ جتیں بگءِحاترءَ ماهے درنه گیتک
کئے گُشیت په تودلجمیں بچّے بیتگاں
نئے مناں فکرءُ نئے مناں فکرے پیس جنت
بندرءَ مں چه زانگءَ پهری بیتگاں
نیم شپی پاساں دل هزارتابءُ ریس جنت
درد لیٹ اَنت ماں سینگءَ پاسانی سرا
زندگاں روکیں انگرءُ آسانی سرا
مبارک قاضی
نظرات