توسط نوداں کہ گور اِتہ رھمتے
دور بوت سر ءَ مئے زھمتے
آھت اِنکلاب گوں باری ءَ
کوم چٹ اِنت اَچ خواری ءَ
شات اِنت وتن شات اِنت وتن
پُل ءُ بھار اِنت ءُ چمن
سد آپرین ایوب ترا
گوں زانت ءُ پھم ءُ سیاست ءَ
بُنیادی ئیں جمهوری ءَ
جوڑ اِت کو کوم ءِ خاتر ءَ
شات اِنت وتن شات اِنت وتن
پُل ءُ بھار اِنت ءُ چمن
ملک بوتہ مئے پل ءُ بھار
چڑکاڑ ءَ کنت بلبل سھار
کبگ کوہ سر ءِ سرھال اَت اَنت
سد بیدھاں وشھال اَت اَنت
شات اِنت وتن شات اِنت وتن
پُل ءُ بھار اِنت ءُ چمن
نیست درچک ءُ دارانی خزان
سبز ءَ پِر اَنت سال ءُ مھاں
ھشکیں ڈگار بوت اَنت کِشار
ریک ءُ بیابان ءُ ملغزار (ملگزار)
شات اِنت وتن شات اِنت وتن
پُل ءُ بھار اِنت ءُ چمن
جی جی اَوام ءِ نوبت ءَ
کوم ءَ نهگِند ایت زھمت ءَ
بےزار شہ کوھنیں بار ءَ
رب میار ایت ھچ بر ءَ
شات اِنت وتن شات اِنت وتن
پُل ءُ بھار اِنت ءُ چمن
مامد نسیر کبدانی ءَ
وش وش بگو اِے باری ءَ
چَر اَنت پیادگ ءُ سواری ءَ
کتاب: آشوب ءِ پربند
تاکدیم: سی ءُ هشت/۳۸
پِربند: مامد (مهمد) نسیر کبدانی
( شاعر محمد نصیر کبدانی خارانی)
نَزّآروک: میران البلوچ
( صادق کبدانی بلوچ )
مـاسـیـن زوان
(بلوچی زوان ءِ دیوان)
باز وش منتواروں تی براس جان💓
خواهش کنو ندرو
باز وش زبردست