0

دانکہ جل ماں تئی دریائیں دل ءَ آچ نہ بیت
پہ تئی بانور ءَ گلیں ، تنگھیں پرداچ نہ بیت

بَرجمیں منگھیں مرداں گوں بَزیں دیوانے
دلجمیں کار پہ اشتاپیں تگ ءُ تاچ نہ بیت

ابرم ءُ ابدمی سسّا ءُ سما سِچکان اَنت
مجّتی منگھ ءِ درور تئی وسّاچ نہ بیت

زند ءِ ماھور اگاں لبّ ءِ نھنگاں دِرتگ
پہ بگ ءِ آمگیں بندیک ئَے ستر سراچ نہ بیت

دانکہ بوھیری ءِ آس ءَ نہ سچ ایت تنگھیں دل
ھیر ءُ آریپ ءُ گِھیں واھگ ءِ آماچ نہ بیت

دانکہ پہ سمّیاں پیداک نہ بیت دودایے
پہ تئی دودایاں کدی بیر گریں بالاچ نہ بیت

سُھبت ءَ ایر مہ کپ راھگوزی سیر ڈُھلاں
مرگ ءُ سالونکی ءَ تئی چاپ نہ بیت ناچ نہ بیت

بوسکی بوسگ ءُ شیشّاریں سماراں شاریں
بے نسیب بات ئے اگاں گوں تو سگار ماچ نہ بیت

واھگ ءِ انگراں چو سوتکگ ءُ پُر کرتگ
کہ سید مرتگ بلے شودگ ءُ ارداچ نہ بیت.

سـید زهورشاه ھـاشمـی

منشأ زبان بلوچی

مقاله قبلی

ماه ها و روزهای هفته به زبان بلوچی

مقاله بعدی

نظرات

پاسخ دهید

نشانی ایمیل شما منتشر نخواهد شد.